DAG 1     

Vertrek vanuit Pretoria en reis met die N4 verby Bronkhorstspruit, Witbank, Middelburg, Belfast, Machadodorp.  In Nelspruit - doen ‘n kort staproete deur die Botaniese tuin, ons stop ook by Hall‘s se padstal, reis verder deur Witrivier, proe lemoenwyn en dan verder na Hazyview.  Aandete en oornag Hazyview.

DAG 2

Na n vroeë ontbyt gaan ons in by die Phabeni Hek en ry in die rigting van Skukuza en besoek die ruskamp asook die museum wat ‘n baie interesante uitstalling het van verskeie fetusse van diere en die geskiedenis van die wildtuin word uitgebeeld met fotos.  Daar is ook verkeie fotos van oorstromings in die wildtuin.  Ons reis verder na Onder Sabie waar ons middagete kan eet en dan keer ons terug na Skukuza deur die Phabeni hek.  Aandete en oornag Hazyview.

DAG 3   

Vandag begin ons vroeg en ons neem ‘n ontbytpakkie saam met ons.  Ons  vertrek uit Hazyview en ry in die rigting van Onder Sabie met die agterste pad na Tshokwane, terug na Skukuza & uit by die  Phabeni hek.  Aandete en oornag Hazyview.

DAG 4     

Vandag gaan ons in by die Kruger Hek en ry in die rigting van Tshokwane en daarvandaan na Satara, terug via Skukuza en uit by die Phabeni of Krugerhek.  Hierna keer ons terug na ons lodge in Hazyview.   Aandete en oornag Hazyview.

DAG 5     

Na ontbyt vertrek ons in die rigting van die Graskop  en besoek  African Silk.  Ons reis in die rigting van Sabie, waar ons die Houtmuseum besoek.  Voort na  Lydenburg via die Longtompas en Dullstroom.  Ons stop by Dullstroom en geniet die plek met sy baie winkels en restaurante.  Hiervandaan verder via Belfast in die rigting van Pretoria.  Ons arriveer in Pretoria om ongeveer 17:00 – 17:30 met mooi herinneringe aan die pragtige natuur en die atmosfeer van die Kruger Park!