DAG 1 -  DAG 8

Ons vertrek vanuit Pretoria en arriveer ongeveer 17:00 in Margate.  Ons gaan tuis in Kelso met 'n privaatstrand.  Dwarsdeur die dag kan u die besondere see-uitsig vanaf u balkon geniet.  U geniet elke dag ‘n heerlike ontbyt en aandete by die Larry‘s Restaurant wat net oorkant die woonstelle is.

Die volgende uitstappies word gereël:

• By die Casino is daar ook geleentheid vir ‘n opsionele bootrit op die Umtamvunarivier

• Ons besoek onder andere die Wildekus Casino, naby Port Edward, asook die bekende spatrots.

• Ons besoek die vlooimark op Uvongo met sy talle interessante stalletjies.  Stap op u tyd daar deur, drink ‘n gemmerbier, smul aan die tuisgemaakte lekkers of biltong!  Geniet die tweedehandse boeke!

• Die Beaver Creek Koffieplaas is ook op ons program en hier leer ons meer oor die groei van die bome, die oes van die bone en die proses waardeur dit moet gaan voordat dit in ons koppies land.

• Mac Banana, die grootste piesang pakstoor op die Suidkus is ook op ons program.  Hierdie bestemming is ongelooflik groot met baie verskillende interessanthede.

• Sondagmiddag besoek ons die Krokodilplaas en sien hoe hulle gevoer word - vooraf is daar ‘n praatjie oor slange wat baie insiggewend is. Ons kyk ook na ‘n dvd oor die krokodilplaas en daar is baie interessanthede oor hierdie kreature.

• Ons besoek die Shelleysentrum en indien daar ‘n mooi fliek wys kan ons ook daar ‘n draai gaan maak!  Bring saam julle fliekkaarte.

• Ons sal ook van die omliggende strande besoek.

• Die Waffle House by Ramsgate met sy mooi uitsig en die winkeltjies met besondere glasware asook die mooi tuin is beslis ook ‘n besoek werd!

Ons rus lekker, stap langs die see, doen inkopies en smee nuwe vriendskappe!  Buite seisoen is Margate die plek vir vakansie aan die Suidkus.  Daar is ‘n mooi strand, ‘n Wimpy met pragtige see uitsig, oulike winkeltjies en straatmarkte en  besienswaardighede in die omgewing.  Op ons dag van terugkeer is ons verwagte aankoms ongeveer 17:00.